اوشاقلاريوي بيزه گؤستر،دئييه ك نه ايشين صاحابيسان.
اوشاغي تربيه ائلهمهيين آچاري بوندادیر: آنا - آتا يئني دن چؤنوب اوشاق اولماغي باجارسينلار.
منجه "آزادليق تربيهسي"اورتا مكتبلر ايله بيليميورد دان اله گلمز،مطالعه دن اله گلر.
بيزيم قيزيميز"اتل"هانكي ايش ايله يولون داليسيني توتسا اونو بوتون بيلمه یهجهييك مهيه بو كي بير اوشاق دوغوب اونو اؤزوندن ياخچي بارا گتيره بئله ده دير كي بوتون اولاجاق،نئجه کی بيز ده بئله چاليشديق.آما او آزاد دير ايرسه ده،بيزي اومودسوز ائله يه.او گره ك اؤز يولونو اؤزو سئچيب او زاد كي اؤزونه ياخچي دي سئچه.بيزي بو گؤره ر كي بو دونيا دا كي نه ديبي بللي دير نه باشي، اونون محبت له گولوشو بيز اوچون پارلاق لذت له سئوينج قايناغي دير.
بيزيم آرازين بو اوغلان جيغازين كؤرپهليكدن اينديهدك كي 6 ياشي وار بير پارا اؤزهل ايشلري ايله سؤزلري اولوبدو هله كي هله دي اونلاري ياد سالماقلا بير گؤزل احساس لا بير اؤزهل لذت بيزه ال وئرير.
هئچ ياديمدان چيخماز آرازين 2ياشي وار ايدي قيشين ايلكين قارلاري يئره دوشوردو آرازي پنجرهنين يانينا گتيرديم كي قارا باخسين.ايلك تانيشليغي قارايلان ايدي.ديقت له آغ قارلارين اوينايا-اوينايا يئره دوشمكلرينه گؤز تيكميشدي بئلهده بير آلا قارقا قار-قار ائله يه-ائلهيه گليب كئچدي.آرازا دئديم بو قارقا دي.نئچه گون سونرا آراز ايله اوتاقدا اويناييرديم آرازدان سوروشدوم :«آراز جوجه نه دئيهر؟»آراز دئدي:«جوجه دئيهر جوك-جوك-جوك»سوروشدوم:«قارقا نه دئيهر؟»دئدي:«قار-قار-قار»دئديم:«دووشان نه دئيه ر؟!»آراز بير آز فيكيرلشيب دئدي:«دئيهر دووشان-دووشان-دووشان».سؤزون دوزو بيري مندن سوروشساردي دووشان نه دئيهر؟قالارديم.آرازين جاوابيندان هيجانا گلرك آناسي-ني چاغيريب سوروشدوم:«سن بيليرسن دووشان نه دئيهر؟!»بير آز فيكيرلشندن سونرا دئدي:«دوغوشدان!دووشانين سسي نئجه اولار؟!»دئديم:«آرازدان سوروشسان اؤيرنرسن.»آرازدان سوروشدو:« آراز دووشان نه دئيه ر؟»آراز دئدي:«دووشان دئيهر دووشان-دووشان-دووشان...
آرازين آتاسي
سالام ايستكلي اوخوجولار.جيققيلي باخچا-يا خوش گليب صفالار گتيرميسينيز.بوندان بئله جيققيلي باخچاني بوردا اوخويا بيلرسيز.چاپ اولموش ساييلاري سيرا ايله بورايا قويولاجاق.آنجاق اوندان سونرا ائله بوردا آرديسي توتولاجاق.ياني ۱۷-جي سايدان بري بوردا يازيلاجاق اونا گؤره ده سيزين ديرلي ايشلريزي گؤرلوروك.بيزي بو ايش ده يارديم ائدين. سيز ساغ بيز سلامت
