بیزیم آراز
بیر گون بیزیم آراز دؤرد یاشی اولاندا تلفونی گؤتوروب منه کی اونون یاخینلیقیندایدیم دئدی:"آتا!آللاهین شماره سی نئچه دی؟"
من هویخوب سوروشدوم:"بالا!آللاهین شماره سینی نئیلیرسن؟!!"
چوخ جیددی اوزونو منه توتوب دئدی:"ایستیرم آللاها زنگ ائله ییب دئییم کی منی قافلان ائله سین."
آرزین او گونلر ان سئودیگی حئیوان قافلان ایدی و دؤنه-دؤنه بیر اوزون ایپی قویروق یئرینه اؤزونه باغلاییب قافلان اولوب اویان-بویانا قاچیردی.
بیر گون ده من تیلفونون یانیندا اوتورموشدوم گؤردوم آراز قاچا-قاچا گلیب تیلفونون دسته یینی گؤتوروب داها-داها شماره توتور.دئدیم:"آراز کیمی توتورسان؟"
اوندا آرازین بئش یاشی وار ایدی گئنه چوخ جیددی دئدی:"آللاهی توتوررام."
سوروشدوم:" آللاهینان نه ایشین وار؟!!"
دئدی:"ایستیرم آللاها دئییم کی منی کرتنکله ائله سین."
