اونودمايين كي خلاق اينسانلار هميشه چاليشيرلار باشقا يوللاري سيناسينلار.توليدچي دوز يول ايله ان ايقتصادلي يوللاري تانيياراق چاليشير ان آز چاليشماقلا ان چوخ نتيجهيه ال تاپسين،او يالنيز بير توليد ائدندير.آما بير ياراديجي بير ايشين دوز يولونو تانيمادان اؤزونو اويان بو يانا چيرپاراق اؤز آختاريشي له آراماغيني چئشيدلي يوللار دا داوام ائدير.نئچه كره يانليش گئدير.هر بير يولدا بير زادلار اؤيرنركن هم دولغون اولور،همده پيشير،بئلهليكله بير ايشلر گؤرور كي اوندان قاباق هئچ كيمسه گؤرمهميشدير.
بير مذهبي مدرسهنين معلليمي شاییردلاردان ايستير مقدس عايلهنين شكيليني چكسينلر.رسيملري ييغاندان سونرا گؤرور اوشاقلارین چوخو معمولی رسيملر مقدس عايلهدن چكيبلر:مقدس عايله پهيه ده،مقدس عايله قاطير اوسته و بونلار تاي زادلار.آمما رسيملردن بيريسي بير اوچاغي دؤرد مسافر ايله گؤستريردي كي باشلاريني پنجرهنين شوشهسينه ياپيشديرميشديلار.معلليم او رسیمی چكن اوشاغی چاغيردي كي چكديني توضيح وئرسين.اونا دئدي:«ائله یه بيليرم حدس وورام كي،بو چكديگين باشلارين اوچو كيميندير:حضرت-ي يوسف،حضرت-ي مريم له حضرت-ي مسيح.آما دؤردونجو باش كيميندير؟!»اوغلان اوشاغي جاوب وئردي:«آهان،او پونتيوس،اوچاغين سوروجو سودور.»
بو گوزل دير.بو ياراديجيليقدير.بلليدير كي بو اوشاق بير زادلار تاپيبدير.آمما بو ايش يالنيز اوشاقلارين اليندن گلر،بيز ده بو ايشلري گؤرمهيه اورهك يوخدور نييه كي قورخوروق آخماق گؤروشك.
